em08: holland vs. italia 3:0

ganz geilä match xi gester und d holländer händ am wältmeister uf dä deckel geh.. eifach geil.. sorry für’d schadä freud, aber sie händs nid anderst verdiänt mit däm wos uf äm platz zeigt händ..

wakesurfing: the new board

wiä ich eu ja scho gschribä han han ich ä neus baby.. s lost uf dä namä liquidforce custom thruster und ich chan dadäzuä nur eis sägä.. s isch dä hammer.. super verarbeitig “hand made”, guätä uftrieb, au für mich mit minä knapp 100kg, leider sind bim testä nur 2 lüüt uf äm boot xi, was sich i dä wällägrössi bemerkbar gmacht hät drum chani nonig viel sägä zur drähfreudikeit..

und su guäter letscht no eis vom flachä wasser im tessin.. das laht s herz vo jedäm “hindär äm motorboot sportler” höcher schlah..

weekend: pleasure spring session laax

so, s weekend staht wieder mal vor dä tüür und mir gönd no s letscht mal diä saison uf laax.. na chli butzä in sagogn und so.. in laax isch das weekend pleasure spring session wird sicher ä geili sach.. s wätter macht halt leider nid so mit, aber was sölls.. besser als in züri umä sitzä.. so, gnüüsäd s weekend..

tonite: zsc schwiizermeister the dream has come truth!

so, dä z isch schwiizer meister im hockey wordä.. findi huärä geil.. obwohl, ich muäs zuägeh, eigentli bini nid hockey fan, finds ab und zuä cool än matsch z luägä mit dä richtigä lüüt rundumä, aber cha nid behauptä das ich etzt dä mega fan wär.. aber wän d city wo mä wohnt gwünnt sött mä us solidarität scho chli fyrä..

wo mir scho bim thema wäräd.. was isch au loos? dä z wird meister und in züri isch tote hose trotz freinacht.. hallo!! bi glaub scho lang nümm a eim abig i soviel club’s und bar’s xi, aber das isch ja scho chli schwach.. weiss nid obs am wätter oder a dä gsnobtä stadt zürcher gläggä hät.. aber würkli.. PFUII.. hoffä bis zu dä EM chunnt diä party stimmig langsam, susch muäs i etzt scho feriä buächä für diä zyt..

also s motto isch gudde laune leute..

tonite: zsc schwiizer meister??

so, hüt gahts ab im hallä stadion.. zsc bechunnt wieder mal d chance schwiizer hokey meister z werdä.. falls sis schaffäd gits freinacht.. jeppa.. viel glück lions..