s git so äs alts sprichwort wo behauptät “pfingstä gahts am ringstä” drum freuäd mir eus doch all uf d pfingstä.. das vorallem bi däm wätter..
i früänerä jahrä hät mä d pfingstä ja jewiils no a dä thur verbracht, 3 täg im zält mit bier, ässä und suschtigä sachä wo s läbä agnähm gmacht händ.. aber eigentlich häts immer grägnät..
diä pfingstä isch s wätter ja wiä xeit sehr guät und ich hoffä drum das ich ändli chan d wakeboard saison iilüütä.. s wird langsam zyt, han doch scho “auf dem board steh” entzug.. wobie bi dä momentanä ca. 11grad wassertemparatur wo dä see im momänt hät bruuchts scho einiges a überwindig.. da hilft glaub nid mal än neopren..
ja nu, mir wärdäds xeh.. susch gaht das weekend ja au party mässig einiges ab.. s wird eus sicher nid langwiilig..
hej “19″ alles guäti zum birthday.. viel spass, freu mi uf’s festli hüt abig.. alles guäti, heb die ohren steif und s chunnt scho guät.. bliib wiäd bisch und uf no paar so geili gürtel und nagel äbig..
so, da mal wieder was vo dä gadget oder besser xeit web 2.0 front.. s aktuellstä für alli dänä facebook, xing, linkedin, studivz, netlog etc. zu unpersönlich und zu verspammt isch, gits etzt ning.com da chasch dini wigeni community gründä..
ciao zämä, s weekend büütäd alles was mä wett.. chli apero, chli party, chli relaxä, chli fiirä und chli ladys.. äs isch wiä immer wieder mal viel zviel loos.. was da wäre la boum im kauflüütä festsal, 6 years haustanz im mascotte, flashdance im bolero urania27 und susch na so einiges.. muäs mich na genau entscheidä was ich machä, aber s wird sicher wieder mal party.. ich bring den mal na än update.. viel spass eu allnä und hebäds guät.. rock on
fast hettis no vergässä eu vom sexilüütä z verzellä.. isch das jahr ja chli is wasser gfallä und dä böög hät gschlagni 26min bruucht bis ihm sgurgeli verplatzt isch.. aber das hät eus natürli nöd vom fyyrä abghaltä.. nach dä böögä zeremonie isch äs schnurstracks zum sternä gangä.. da’s aber so fest grägnät hät hämmer eus all id bar zwüschäd sternä und rosalys zwängt.. das auch chalt xi isch hämmer das mit caipis probiert z ändärä.. isch eus au glungä, aber irgendwänn hämmer den dä platz dinä im rosalys doch besser gfundä.. dänach no mascotte und kauflüütä (reimt sich ja sogar uf sexilüütä) unsicher gmacht und so ischs 5i am morgä xi bis mir is bett cho sind.. ah ja, äs paar sind glaub scho früäner hei.. aber isch glich dä hammer xi.. alles i allem ä sau glatti party..
so, am samstig abig hämmer eini vo dä geilschtä sessions überhaupt in vals erläbt.. zerst mal, s werdät kei nämä gnännt ussert am jürg sinä.. die andärä wüssed all wer däbie xi isch und das isch guät so.. also es kam zu dieser session wie es eben kommen musste, mir sind unverhofft und spontan uf vals go znacht ässä, will mir mit äs paarnä abgmacht händ.. s ässä im glenner isch dä hammer xi.. pizokeltopf nur z empfehlä.. oder au s entrecote mit polenta.. *feinxi* au dä wy und dä grappa sind sehr guät xi.. nach äm ässä, unverhofft id gada bar, und was händ eusi augä det xeh? än nagelstock.. also loos, naglä was das zeug hält.. ich han zum glück niä verloorä.. und zmitzt im spiel chunnt unverhofft dä jürg däzuä.. dä nagelmeister vo vals.. ah ja, bevor is vergissä, än 5 liiber hämmer au na uf dä bar verewigt.. (wüssed ihr eigentlich wiä lang das äs gaht bis mä än 70er nagel dur än 5liber ghauä häsch) irgänd wänn zu spater stund simmer den nai g’s (uusgsprochä cheese) (han ich das richtig verstandä mir sind imänä club xi wo chääs heisst??) det isch den d party so richtig geil wiiter gangä.. tanzä mit äm spiegel etc. eifach hammer.. irgend wänn isch den aber zyt xi zum heigah und was uf äm heiwääg alles na passiert isch, das wüssäd halt nur diä wo däbii xi sind.. nach äs paar stund isch den aber wiiter gangä und zwar mit zmittag/zmorgä im glenner.. (do you remember, muäsch immer det ufhörä wot agfangä häsch..) oder seit mä däm kater früästück? uf all fäll hämmer eus fast z tot glacht bim ässä wil mer so schön über’s erläbtä händ chönä brichtä und däzuä no diä fottänä.. aber ebä wiä xeit, diä sind all zensiert.. so, ich chas allnä nur empfehlä, gönd mal uf vals id gada bar und lönd am abig sin lauf..
so, etzt isch den wieder zyt zum über s bevorstehendä weekend nadänkä..
so, ich bin eu no äs update beträffänd pleasure spring session in laax schuldig.. erst mal s isch dä hammer xi.. am fritig simmer i dä crap bar xi.. diä hät ja am sunntig s letscht mal offä gha, aber dadäzuä später meh.. den hämmer in klupp (ehemals flem massiv) uf flims wellä, aber de isch leider chli vollä xi.. glaub öppä 230 lüüt.. den simmer halt zerscht i dä arena eis go schnappä und händs chli später namal probiert.. im klupp isch neon party xi, das heisst all lüüt sind neon farbig agleit xi.. ussert mir natürli, da mir vo nüüt gwüsst händ.. isch bis lang i dnacht inä gangä und am nächstä tag hämmer dementsprächend glittä.. mir händ eus aber nid dävo abbringä lah glich uf dä berg zgah.. dobä häts paar spinner gha wo über s noname inä gumpät sind.. mit äm snowboard verstaht sich.. zum apresski natürli wieder id crap bar.. und in usgang uf vals.. aber für das gits än eignä iitrag.. am sunntig hämmers leider nümm uf dä berg gschafft, däfür hämmer a dä ustrinkätä vo dä crap bar wos jetzt abriisäd chönä mitmachä.. bilder werdäd no na glieferät..
so, s weekend staht wieder mal vor dä tüür und mir gönd no s letscht mal diä saison uf laax.. na chli butzä in sagogn und so.. in laax isch das weekend pleasure spring session wird sicher ä geili sach.. s wätter macht halt leider nid so mit, aber was sölls.. besser als in züri umä sitzä.. so, gnüüsäd s weekend..
so, dä z isch schwiizer meister im hockey wordä.. findi huärä geil.. obwohl, ich muäs zuägeh, eigentli bini nid hockey fan, finds ab und zuä cool än matsch z luägä mit dä richtigä lüüt rundumä, aber cha nid behauptä das ich etzt dä mega fan wär.. aber wän d city wo mä wohnt gwünnt sött mä us solidarität scho chli fyrä..
wo mir scho bim thema wäräd.. was isch au loos? dä z wird meister und in züri isch tote hose trotz freinacht.. hallo!! bi glaub scho lang nümm a eim abig i soviel club’s und bar’s xi, aber das isch ja scho chli schwach.. weiss nid obs am wätter oder a dä gsnobtä stadt zürcher gläggä hät.. aber würkli.. PFUII.. hoffä bis zu dä EM chunnt diä party stimmig langsam, susch muäs i etzt scho feriä buächä für diä zyt..
