gadgets: iPhone 3G vs. Nokia N95

so, di ganzi blogger gmeind hät sich scho usfürlich über s iphone g üssärät.. mittlerwiilä isch äs ja au i dä schwiiz erhältlich und dur das häts än grossä teil a sinärä attraktivität verlorä da jetzt jedä wo eis wett eis chan chaufä.. vorhär hät mä’s im ussland müäsä chaufä und hacken und das isch halt nid jedermanns sache xi..
jetzt gits äs und s isch eigentlich rächt entüüschend.. ussert äm würklich revolutionärä bediänigs konzept isch äs vo mir us xeh nid würkli das wo mä in europa vomä würklichä smartphone erwartäd.. in amerika mag das si wo mä erst vor churzem gmerkt hät das äs au SMS git.. vo MMS ganz zu schwiigä.. so isch äs nid verwunderlich das s iPhone by default kei MMS chan verschickä.. s glichä isch mit dä SMS, wiiterleitä nid möglich.. zuäsatz software chan mä mittlerwiilä installierä und so das ganzä bruchbar machä.. zu dä hardware, GPS schön und guät.. doch für was brucht mä äs GPS?? genau, zum routen planen.. und genau das gaht mit äm iPhone nöd.. ok, widmäd mir eus dä kamera.. 2 mega pixel.. das isch bi handys scho sit ca. 3 jahr standard.. und videos? ah ja das gaht mit äm iPhone halt nöd..  wieso auc immer? anschinänd wär such s telefon dicker wordä.. samsung schaffts 7mm dicki handys z machä mit video funktion.. mä xeht also s iPhone, viel wind um nüüt.. chunnt mir chli vor wiä die 18jährigä wo am liäbstä ä schnälls auto hettäd, das chönds sich nid leischtä und so chaufäds halt öppis billigers und gönd den go tuning teili chaufä, chli spoiler, chli uspüff und chli felgä.. d iPhone freaks machäds chli anderst, sie gänd viel gäld für äs telefon us und müänd nacher no meh gäld usgeh zum di ähnlichä funktionä zha wiä mit äm Nokia n95.. oder wiä anderi sägäd.. s iPhone isch s web 1.0 phone zum inhalt konsumierä, s nokia n95 s web 2.0 phone zum inhalt erstellä..

wo mir doch scho bin thema sind.. Nokia n95 s phone of the phones momentan.. hät 3G Mobilfunk, Edge, GPRS, UMTS, HSDPA, WLAN däzuä GPS, 5megapixel cam mit video funktion, 8GB speicher für alles möglichä, sound, bilder, videos etc. eifach hammer das teil.. wirdä da no äs paar blog iiträg drüber schriibä da ich so freud han a däm ganzä..